“Abahnya, ada info matan Pastur Udin. Ada aplikasi hanyar gasan Majalah Ventimiglia Keuskupan Banjarmasin. Wahini kada parlu lagi manukar majalahnya. Cukup mamicik wan mambaca di HP jar sidin.”

Amang Pandir kada mananggapi, pina manarawang sambil manginum kupi hitamnya.“

Abah neey kam…. Kada diheraninya aku, manyahutkah, dikomenikah pandiranku, eh malah malangut malamunakan nang lain-lain,”ujar Acil Bungas kesal.

“Eee sabar, hadang dulu, pasti kujawab. Kada tahu urang lagi manikmati kupi panyamannya hidup. Kujawablah, tahulah Pian…. Akhirnya Pastur Bagus itu mandangarakan nasihatku.”

‘Babila-bila pian nitu batamuan lawan pastur nang ngetop itu?”
“Aku sumalam pasang status di medsosku, samoga majalah Ventimiglia digratisakan.”

“Huuu, Abah ney kada jauh-jauh lawan nang gratis-gratis. Kalu memang harus babayar, ulun hakun ja babayar kada harus gratis tarus.”

“Akhayaa, kacau…. camuh samunyaan. Jadi apa gerang kahandak majalah Ventimiglia wahini?”
“Ini nah dibaca dulu Abahnya ai, ujar Pastur Udin, kita diminta mamicik disini. Pian paham kalu caranya?”
“Intiiil, dasar jua Umanya neey, makanya balajar nang kaya Abah, program maluncurakan rudal gin Abah kawa maulah.”

“Huuu kesaah peharatnya ja, ini nhaa nang kaya apa jua jar WA sidin ini?”
“Aduh Umanya ai, jangan manyiksa pang, nang kaya apa aku kada kawa mambaca, halus banar tulisannya nang kaya samut, mata tuha dah.”

“Huuu mun kada bisa bepadah bujur-bujur, ni kesah kawa tarus Abah ney. Galuuuh…tolongi Mama mamicikan WA nang dipadahkan Pastur Udin ney.”

Galuh kaluar matan kamar marga dikiau Mamanya,”Aduh Mamaa…tinggal dipicik haja tulisan warna biru ventimiglia.id ini. Tuh kupicik.”

Amang Pandir langsung manyahut,”Nah bujur, maksudku juga kaya Galuh itu.”
“Bisa banar Abah ney, setelah proses ini hadangi satumat sampai muncul tulisan install di bagian atas. Picik install nang artinya dipasang. Imbah itu macungul tulisan allow notification nang artinya kawa manarima notifikasi atau pambaritahuan? Pilih haja nang itu. Kaina di HP pian kawa manarima pesan inpo nang kaya WA pabila ada kiriman inpo hanyar.”

Baca Juga:  Misa Harian Kamis Pekan Biasa XXII, 2 September 2021

“Ooo paham-paham, sekalinya gampang banar lah Galuh, Mama katuju handak mancuba jua. Kawalah taluncurakan rudal disitu nak?”

“Akhaya, nyindir wan nyinyir banar umanya ney, nangkaya netizen. Cuba Abah tarusakan pasti nang kaya itu jua,” balas Amang Pandir kada handak kalah pamandiran.

“Ini ada jua bantuan aplikasi nang kawa mambacaakan tulisan, cuba dipicik…”
“Waaa bujur! Ada suara lakian bepander Galuh?”
“Hiih Ma ai, tuh pian coba suruh Abah mambacaakan tulisannya,”ujar Galuh takurihing.
“Akhayaa, anak ini mahulut-hulut Abahnya.

Kesini Galuh, kawalah HP Abah dipasangakan nangkaya ampun Mama pian?”

“Kawa banar Abahnya ai, wani piro?” jar Galuh sambal mamasangkan aplikasi Venti digital di HP abahnya.
“Akhayaaaah mata duitannya anakku ni……” (oZo)